بواسطة: elbosman بتاريخ : الثلاثاء 18-11-2008 08:39 مساء
لفت نظرى البنر الموجود على الصفحة الرئيسية والمكتوب عليه لو انت اسمعلاوى بجد اعمل كانية فى النادى وهذا الشعار جعلنى افتح هذا التوبك واكتب هذا الموضوع لنسأل انفسنا كلنا هذا السؤال
العمليه كلها ايها الاخوة عباره عن سؤال دايما نسأله لانفسنا احنا ليه مغيبين وليس لنا قرار فى الامور التى تتعلق بالنادى
تصوروا نادى كبير زى الاسماعيلى شعبيته وشهرته فى
العالم كله وعدد اعضاؤه كام ؟
حسب معلوماتى انهم 13 الف والاجمل من كل ده ان هذا العدد مطلوب تنقية العضوية فيه قوى لان من بينهم من توفاه الله ومن بينهم من هو لايسدد الاشتراك
ولو سألنا اى واحد فى ادارة النادى كام عضو عامل ومسدد للاشتراك تجدهم لا يتعدوا الخمسة الاف
سألت نفسى سؤال طيب وعدد سكان الاسماعيلية كام اجابونى انهم تعدوا المليون
طيبانتم فين يااسمعلاوية من الاشتراك فى عضوية ناديكم اللى هى ارخص عضوية على مستوى كل الاندية بمبلغ بسيط جدا افتكر انه 230 جنيه تبقى عضو فى النادى وتدفع الاشتراك كل سنه 35 جنيه بس
وبكده تبقى عضو ليك الحق تدخل الجمعية العمومية للنادى وتنتخب وتشارك وكمان ممكن ترشح نفسك لعضوية مجلس الادارة
طيب لو دخلنا فى اى متش وسألنا اللى بيشجعوا النادى معاهم كارنيهات للاسف تلاقى كتير منهم ليسوا اعضاء بالنادى
اتمنى ان كل واحد يسأل نفسه ويجاوب هنا ويقول انا بحب الاسماعيلى يبقى لازم اعمل عضوية فى النادى ايه رأيكم نبتدى السؤال تانى هل بتحب النادى وهل معاك كارنيه النادى تبقى انت اسمعلاوى بجد
المشاركة السابقة : المشاركة التالية 
لو انت اسمعلاوى بجد ؟ ادخل هنا وجاوب علينا
بواسطة: 
